應屆馬王「美麗傳承」蟬聯香港一哩錦標，且已是世界評分最高的草地一哩賽駒，更刷新沙田馬場草地1600米紀錄時間。

不少馬迷因此希望馬王能夠衝出香港，遠征海外一級大賽，證明自己實力之餘，亦能為港爭光。

不過近日傳出消息，「美麗傳承」下半季將主戰本地一哩賽事，未必被部署外訪。有馬迷朋友在網上討論區收集民意，結果逾八成網民投票，認為「美麗傳承」應該趁勇遠征海外，甚至從而與「雲絲仙子」、「杏目」等頂級雌馬一較高下。唔知你哋又點睇呢？

部份網民意見：

kingofXXXXX：我係大摩都唔會放「美麗傳承」去杜拜啦，係（喺）沙田屈機屆埋下年榮休。大摩已經得番呢一隻（馬）有能力贏到G1，出去跑壞咗，就搵隻G1送行馬都難了。

安X：遠征後失水準例子多，留港威威仲好。

心地很XX：梗係要去啦為香港爭光。

光輝XX：當年「雄心威龍」不應該遠征是因為其在部署爭三冠王，遠征消耗戰鬥力，但「美麗傳承」顯然沒有這個包袱，不明白為何部署如此保守。

dhX：根本係聽到「杏目」、「雲絲仙子」會去跑，所以嚇親唔敢去。不過大摩次次話遠征，結果（都係）得啖笑。