黎諾懿今日到淘大商場出席《讓玩具復活》活動，講到囝囝「小春雞」已經11個月大，但係諾懿話日常好少會買新玩具俾佢：「因為身邊好多朋友好似陳敏之、張達倫大家都有小朋友，我哋會將啲小朋友用品互相分享，始終小朋友用品或玩具佢哋玩一排就唔會玩，留畀下一個更好。」

不過黎諾懿話呢排接收咗朋友嘅玩具後，暫冇打算傳承畀下一個，佢話：「因為我同老婆計劃緊希望可以再生多個，所以啲(嬰兒)用品、玩具暫時Keep住先。」

諾懿仲講到明希望下一個係生女，佢話：「如果一仔一女就Fit啦，但當然仔女係睇個天決定，不過即使嚟緊係生仔，兩個我哋都收爐夠晒數啦。」佢仲話o依家同太太就盡力喺今年狗年調理好身體，希望明年可以生一個豬女或者豬仔。」

精選娛聞，喺晒《娛果》
http://fb.com/appledailyent