市面近年出現不少主要以長者為銷售對象的保健食品和用品，但這些保健食品和用品，售價昂貴，其真實效用受質疑。居於香港仔華富邨一老婦在邨內一保健店，以二千五百元購得一樽原售價六千元保健藥丸，如獲至寶，因其能醫百病，但其家人質疑真實效用，並質疑現行法例難以管制這類保健食品。

該老婦的兒子鄧先生向記者控訴，「四千幾蚊買張床墊返嚟都算，𠵱家買幾樽啲乜丸物丸，又唔知有乜成份，但竟然話對肝對腦都有益？食落肚㗎！點可以無監管㗎！」

大批長者着迷購買
鄧先生說，其母早前常到一保健店，鄧老太指店內售賣多種「神乎其技」的保健食品和用品，包括「對身體好有益嘅床墊」、「幫助肝臟嘅保健丸」、「對眼睛好好嘅藍莓加工丸」以及「加強腦部嘅蜂皇漿」。售價由數百元至數千元不等。
顯得無奈的鄧先生說，自數月前一保健店在華富邨開業以來，常見大批長者「一袋二袋咁行出嚟」；其母樂於向家人展示其「戰利品」及常驚歎該店出售物品「能醫百病」，但他一直質疑這些售價高昂保健品之真實效用。近日，其母購入四瓶據稱有不同功效、但沒標明成份的藥丸，他才感事態嚴重。
「招紙大部份係日文、又唔知成份係乜，啲老人家好似執到寶咁，成三千蚊一樽買返嚟；話對眼對肝對腦都好？做乜唔詳列成份？點解無列明成份都賣得？點解無條例監管呢？」鄧先生勸其母不要亂試，惟其母對保健店「着了迷」，深信不疑。
鄧老太拿出「戰利品」向記者展示，「呢樽本來六千幾㗎，𠵱家做優惠先肯二千五賣畀我哋咋！況且我早年中過風，行動不便好耐，咁我梗係乜都想試啦！」記者問她服後感覺，她則含糊其詞，「好似……好啲啩！」