黃翠如為新劇《致所有愛過的人》開工，成日被蕭正楠笑佢唔識煮嘢，翠如噚日畀咗佢一個驚喜，蕭正楠喺Ig貼出一碗節瓜咸蛋湯嘅相，留言：「唔通今日係我生日？定係我做得善事多？返到屋企竟然有湯飲？」佢更鬼馬打tag稱「有一片肉」，唔少翠如fans回覆「未到60歲，都有一片肉食，呢啲真係愛」、「呢次蕭生有口褔，見魚嘅story今次唔係湯包」、「味道係其次，最緊要係翠如有心煲畀你飲」。

而翠如好友洪永城就問蕭正楠：「會唔會有機會做得太攰，發緊惡夢呀？」網民叫佢搵新女友Inez煲(新聞連結： https://bit.ly/2SI2vHg )，而蕭正楠好兄弟曹永廉就搞鬼回覆：「小心有毒！」做兄弟應當有「毒」齊享，之後蕭正楠將曹永廉喺節目《兄弟姊妹去旅行》扮女人嘅相放上Ig，寫道：「有時候定力少啲都真係會忍唔住！」似為太太翠如出番啖氣！

精選娛聞，喺晒《娛果》
http://fb.com/appledailyent