曼城禮拜六喺英超作客屈福特，雖然呢隊波喺倫敦果頭，就算喺曼徹斯特揸車落去，大約都係三個零鐘左右。不過，時間就係金錢，曼城有嘅係錢，於是連作客倫敦都要包架私人飛機飛落去，真係豪到爆！

英國《每日郵報》登咗一批曼城職、球員喺英國時間禮拜五下晝上私人飛機嘅相，雖然搭車唔算好遠，但係周中踢完歐聯嘅曼城寧願使多少少錢，都唔想球員太攰，真係唔話得。原本三個零鐘嘅旅程，搭飛機一個鐘左右就到，咁就慳成兩個鐘，真係抵晒喇！