自拍過《金枝慾孽》後,黎姿除得到無綫台慶頒發的「最受歡迎女主角」獎外,人氣急升的她工作量亦大增,經常到外地登台搵真銀,最近更成為服裝品牌Moiselle代言人。
除有七位數字酬勞外,黎姿亦得到該公司免費提供形象指導。而早前她便專程為該公司拍攝了一整天廣告,換足二十多套春夏新裝。
年年有薪加
該服裝品牌一直由蔡少芬做代言人,曾有指張栢芝會取代其位置,黎姿對此說:「我唔知呀!其實呢間公司啲衫分咗好多條line,其中一條新系列主要係迪士尼公仔嘅衫,而我主要為呢系列嘅衫宣傳。」問是否取代蔡少芬,黎姿說:「唔知,我覺得只要做好本份就得喇。」問到她會否因為《金》劇大受歡迎而加酬金,她說:「唔可以話因為呢樣嘢而加價,只係我年年都會加薪。」
設計師代勞
作為新代言人,黎姿獲得很多福利,她說:「公司對我好好,佢哋畀我着其他牌子嘅衫。以往我每次出席活動之前就好頭痛,𠵱家佢哋安排一個形象設計師畀我,有乜活動佢就幫我搵衫,加上佢哋又出埋鞋,即係我由頭到腳都唔使諗就有人幫我代勞,真係好舒服。」
採訪:魯萍 攝影:陳慧安