台灣樂壇盛事金曲獎又嚟啦﹗第二十四屆台灣金曲獎將喺7月6號假台北小巨蛋舉行,今日大會公佈入圍名單,並邀請蔡健雅及嚴爵擔任揭曉嘉賓,當中最佳貢獻獎,會頒俾去年病逝嘅鳳飛飛。今年入圍名單,唔少香港歌手都榜上有名,當中以最佳國語男/女歌手獎戰況激烈,尤以女歌手方面更甚。
台灣幫有G奶天后蔡依林(Jolin)﹑徐佳瑩同家家入圍,佢哋將力戰本地薑林憶蓮﹑首度入圍嘅鄧紫棋以及唱作女歌手盧凱彤,憶蓮及Jolin同時爭奪最佳國語女歌手獎及最佳國語專輯獎,勢必惡鬥連場﹗
而G.E.M.得悉喜訊後,即喺微博留言:「 OMG...是真的嗎...!雙腿發軟,暈倒,我的天... 」而G.E.M.男友林宥嘉亦入圍最佳國語男歌手獎,未知到時兩人有冇機會齊齊攞獎?林宥嘉亦於facebook留言恭喜女友:「 襪(哇﹗),太瘋狂了,這個金曲獎,謝謝大家的支持﹗也恭喜你喔GemTang...Surprise!!!」 至於盧凱彤亦喺微博雀躍咁話:「我需要一些時間冷靜....我唯一可以說的是:謝謝謝謝﹗」
除咗林宥嘉外,入圍最佳國語男歌手獎就包括金曲獎常客周杰倫﹑蕭敬騰﹑小宇同方大同,周董亦憑《12新作》同舊愛Jolin嘅《MUSE》同時入圍最佳國語專輯獎,其餘國語專輯獎名單包括憶蓮《蓋亞》、方大同《回到未來》及MCHotDog《貧民百萬富翁》,競爭同樣激烈。
至於憑《加大力度》有份爭逐最佳音樂錄影帶獎嘅容祖兒,就喺微博寫道: 「先讓我大笑三聲,哈哈哈我的作品總算成功進入金曲獎這個大門,雖然是角逐最佳音樂錄影帶,但實在是一個好開始,我會繼續努力的!」
金曲獎提名名單:(部份)
最佳年度歌曲獎
回味《永恆。承諾》
無言歌《蓋亞》
海岸線《海岸線》
玫瑰色的你《神的遊戲》
大藝術家《MUSE》
最佳國語專輯獎
12新作(平裝版)/杰威爾音樂有限公司
貧民百萬歌星2009-2012BestSinglesCollection/滾石國際音樂股份有限公司
蓋亞/環球國際唱片股份有限公司
回到未來/華納國際音樂股份有限公司
MUSE/華納國際音樂股份有限公司
最佳音樂錄影帶獎
加大力度《Moment》/(導演:比爾賈)
乾杯《第二人生(nowhere-末日版)》/(導演:陳奕仁)
無言歌《蓋亞》/(導演:比爾賈)
SuperGirl愛無畏《SuperGirl愛無畏SuperVersion》/(導演:陳奕仁)
歐拉拉呼呼《有吉他的流行歌曲》/(導演:黃元成、陳奕瑞)
大藝術家《MUSE》/(導演:陳奕仁)
最佳國語男歌手獎
林宥嘉/大小說家(平裝版)
周杰倫/12新作(平裝版)
蕭敬騰/以愛之名
小宇(宋念宇)/再一次
方大同/回到未來
最佳國語女歌手獎
盧凱彤/你安安靜靜地躲起來
鄧紫棋/第四張專輯Xposed曝光
林憶蓮/蓋亞
家家/忘不記
徐佳瑩/理想人生
蔡依林/MUSE
特別貢獻獎
鳳飛飛(林秋鸞)
逢周五隨《蘋果日報》附送嘅時尚美容雜誌《add》第三期雖然早已派完;拎唔到書嘅朋友,可以上番《add》嘅官網 http://add.appledaily.com睇番足本網上版,除咗有何超瓊專訪,仲有好多時裝靚嘢睇!