面對內地房產價格逐年上升,中央早就想樓價下跌,故不斷推出措施壓抑樓價,但一直壓不下來,重點之一,是地產商囤積不賣,強大需求令樓價跌唔落。不過,發展商要冒的風險是持有土地不發展,限期過後會被收回土地,發展商若一時周轉不來,隨時連塊地都冇埋。
現在地產商有地無錢發展,銀行借貸又極之困難,只剩劈價賣樓一途,中央一直希望出現的減價情況,終於都出現,只要保住銀行唔出事,惟有犧牲地產商。
內房股大跌價,碧桂園(2007)股價也再創上市新低,原本2000億元市值,降至唔夠450億元,之前公司主席楊國強欲透過抵押股份借錢買邵氏(080)的計劃,睇嚟都好難成事。不過塞翁失馬,焉知非福,高負債公司有幾慘,睇宜進利(304)就知。
歐陽風