星呢樣嘢，其實都係人一個，唔係吓吓都要前呼後擁先叫星，好似何傲兒噚日就做咗個示範。

噚日下晝見到化好妝、set晒頭嘅傲兒獨自現身銅鑼灣，着黑色鬆身上衣襯牛仔熱褲，大騷白滑長腿，好快就吸引途人視線。見佢左一袋右一袋咁，估計佢係啱啱收工。

向來鍾意食零食嘅傲兒，一個人行咗入便利店，見佢揀咗兩盒朱古力同零食，再喺凍飲櫃前企咗一陣，可惜揀唔啱心水，之後就畀錢走人。

離開無綫後，轉投林建名旗下嘅傲兒，因為工作量大增，帶挈荷包都漲埋！不過，佢肯一個人孭住啲嘢喺銅鑼灣買零食，就知佢夠晒親民，實在抵讚！