Dear Jane今日到新城宣傳新歌《也許我不會活多一歲》，首歌有別於以往情歌，今次係講如果只剩下不夠365日，你應該努力去追尋未完成夢想嘅勵志歌。剛為人父嘅阿Tim指正忙新歌宣傳，嚟緊又要做騷，但越來越掛住囡囡，今日佢同太太首次抱囡囡出街去檢查，阿Tim指唔係想像中咁困難。

暫時家中有陪月幫手，除咗幫囡囡沖涼，阿Tim表示已經對換片、餵奶及掃風等照顧技能熟習，更笑指係濕濕碎。日前囡囡影咗輯靚相，阿Tim指自己只懂用電話影相，所以請來專業攝影師操刀。至於會否搞百日宴，阿Tim笑言等通知，問到老婆係咪想追仔？佢話：「佢o依家又話要修身，佢係咁㗎喇。」