鄭嘉穎同胡杏兒噚晚喺韓國出席「TVB新春黃金慶典」，杏兒自爆有圈外人追求，適當時候唔介意公開，佢話﹕「咩年紀呀？唔使玩地下情，但都要好好保護感情。對方係一位圈外朋友，唔知佢係咪富二代，朋友了解中，睇緣份啦。」

另外，嘉穎亦祝福舊愛周麗淇傳新戀情，佢表示﹕「男友無分國籍，佢家姐都嫁外國人，最重要開心同鍾意。」