入稟狀指，四名原告包括恒生銀行、恒生指數有限公司等，被告就包括恒生控股同恒生地產。恒生銀行等要求法院頒下禁制令，禁止使用其已註冊商標，同埋禁止使用「恒生」或「HANG SENG」或「HENG SHENG」等令人混淆原告商標嘅字眼。
唔只公司名，原來創業板恒生嘅公司網站域名係「hengshengholding.com」，驟眼睇又真係幾易同「hangseng」混淆。
創業板恒生其實今年6月8日先至改名，最新年報都用咗新公司名，雖然時間咁短，但依然逃唔過「真．恒生」法眼。
唔講唔知，市場上仲有一間上市公司，名字與恒生撞撞哋，就係從事服裝標籤同包裝印刷產品嘅恆生（兆保）（3626）。可能此「恆」不同彼「恒」，加上公司多數用英文簡稱「HSSP」，又無做放債等金融生意，未有俾「真．恒生」狙擊。
李華華