「相約煲底,除罩相認」,相信係唔少人嘅心願,但「武肺之下,除罩見人」,可能只有林鄭做得出。正當武漢肺炎近日喺香港有再次本地爆發之勢,特首林鄭今日現身行政會議前記者會時,就唔知根據乜嘢科學邏輯,獨排眾議唔戴口罩見記者。
其實林鄭上月底戴政府「底褲口罩」見傳媒時,已公然批評過呢啲口罩「麻麻地」,更埋怨可能係因為洗得多而「鬆咗」。八方現場所見,林鄭今朝現身行會時,隨行嘅全部G4、新聞處官員,以至在場記者都有戴口罩,全場唯一唔戴嘅,就只有林鄭一個。
其實林鄭自從2月中以來,經常都被網民質疑佢根本連正確戴罩嘅方法都唔識,但大家點都估唔到,負責領導抗疫督導委員會暨指揮中心嘅佢,今日竟然其身不正,連口罩都唔再戴。莫非佢真係好似中共推動國安法咁,現時已經唔介意搲爛塊面示人?
-----------------------------
蘋果25年系列ebook《讀果》上架:
紀實現場 、
世界前線 、
逆權之路 、
叱吒風雲 、
守護真相 -----------------------------
反送中一周年,《蘋果》整理大量涉及警察濫暴濫權等資料,製成詳盡資料庫,請按此閱讀
圖表版本 /
純文字版本 -----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 -----------------------------
App內1-Click訂閱《蘋果動新聞》
按此了解更多