今日（18日）田草賽事用全闊A跑道，度地儀指數2.72，場地掛牌為好地。如天氣情況許可下，將按計劃在第6場後進行壓地。

睇番最近2月18日同一移欄賽事，當日亦是掛牌好地及度地儀指數2.71，全日放頭馬無一能勝，僅兩駒入位而已，反而居中後上馬絕對唔蝕底，當日分別有「開心美麗」、「開懷大少」及「有理共想」排10檔或以外從中後位置衝上贏馬，故此外檔後上馬唔蝕底。

今戰列陣馬中，第七場「有理共想」兩次出賽均跑田草A欄且獲一冠一季，贏完再等番同一移欄再跑，睇部署有心想添食。

另外，頭場「紅麗舍」三次跑田草A欄均非冠即亞，後追馬今次跑番強項可望重開勝門。