自從保特喺今屆里約奧運，締造咗短跑金牌「3x3」紀錄後，牙買加飛人嘅慶祝活動未停過，慶祝生日由里約玩到倫敦，次次帶女郎返酒店度春宵，天黑玩到天光。保特上個禮拜三喺倫敦夜店狂歡後，佢再喺上星期五現身倫敦夜店，繼續有大班女郎相伴，最後用的士接載六名女郎返酒店，完全不怕被傳媒拍到。據英國《太陽報》指出，該六名女郎其中一人喺保特慶生時，多次出現，深受飛人愛戴。