早前在豐澤電器購買一部全新先鋒牌DVD機的麥先生，向本報投訴自己所買的一部DVD機，可能是舊機當新機出售。但豐澤電器和先鋒電子（中國）有限公司都不能解答麥先生買入的，是否一套全新音響。
他說，數天前他到豐澤將軍澳分店以三千五百元購買一部先鋒牌「HTZ-77DV」DVD機，自己攜回家中，拆開包裝箱，組機分別放於兩個紙皮箱內，另一個裝放喇叭及低音箱，而DVD機身則另放一盒。當他打開放有喇叭及低音箱的紙皮箱時，發現一張已填滿個人資料的保用證，發出日期是二○○一年九月。他感到相當奇怪，隨即根據保用證上的資料，致電給對方，答覆令他大吃一驚。
上手退回給豐澤
「對方話佢自己喺○一年買咗呢部DVD機，用咗幾個月後壞咗，咁佢就退返部機畀豐澤。」
「跟住我就再仔細睇吓，發現到個喇叭箱下角有啲輕微崩咗嘅花痕。其後再拆開安放機身紙皮箱，發現另有一張全新保用證，不過保用證的編號只與紙盒上的編號相同、但機身編號卻不同。」
他說，這型號的DVD機乃全套出售，不會將喇叭及機身分拆出售；而每套機理應亦只有一張保用證，不明白為何會有兩張保用證，其中一張更是已填滿個人資料。「𠵱家部機係新係舊我根本無法知道，雖然有可能係啲盒混亂咗，將新機同舊保用證入錯箱都唔定；但我真係已經無晒信心。」