當年今日
關於我們

當年非卿不娶成空話
林曉峰離棄傷面女友

蘋果日報 2002/03/13 00:00


林曉峰昨日親口承認,他已和拍拖十年的女友潘菁華分手兩個月。潘菁華前年曾燒傷面部,當時林曉峰表示會對女友不離不棄,但二人如今卻分手收場。
林曉峰(阿Lo)昨日在商台節目《茶煲裏的查篤撑》中,公開承認已與拍拖十年的女友潘菁華分手兩個月。

討厭自己轉變
阿Lo昨日在商台訪問中說:「我哋兩個係分咗手,係個幾兩個月前嘅事,兩個人之間嘅感情好難同外人交代。」問及分手的原因時,他似乎不願多提,只說:「我哋係和平分手,唔係因為第三者。佢喺我十年嘅人生中好似阿媽湊仔咁,乜都係佢幫我諗,但係人會長大,會轉變到另一個階段,我都好憎自己轉變,但係又唔可以唔轉變。」
提到在女友受傷時,阿Lo曾揚言一定會與對方結婚,他對此回應:「今日你問我,我都會係咁講,但環境嘅問題係有時自己都控制唔到。我都覺得好可惜,但係𠵱家我都好關心對方嘅健康同生活。」

婚期一拖再拖
阿Lo與女友的情路可謂幾經波折,前年潘菁華因以小型石油樽噴火燒玻璃時發生意外,灼傷面部及手部,有毀容之危,當時阿Lo不但在醫院守候及照顧對方,更揚言無論對方變成怎樣,定必迎娶她並對她不離不棄。至女友出院後,當時的阿Lo更表示在去年往澳洲舉行婚禮,可惜婚期一押再押。
此外,林珊珊昨日談及弟弟林曉峰與女友分手一事說:「我知阿Lo心情唔好,由佢女友受傷到𠵱家分手,大家都好難過。之前喺聖誕同農曆年,阿Lo返到屋企都好唔開心,其實佢都大個仔,感情係雙方嘅,個決定係佢自己選擇。」