韓國三大電視台每年年尾都會舉辦頒獎禮，除咗表揚一眾藝人嘅努力，同時亦為一年做總結，而SBS電視台早已落實「SBS演技大賞」於除夕晚舉行，並由申東燁及李寶英擔任主持人。

頒獎禮上除咗視帝、視后受外界關注外，「最佳螢幕情侶」亦相當吸引眼球。雖然SBS方面尚未公開正式嘅後補名單，但近日就有網民留言表示《愛情的溫度》嘅徐玄振及楊世鍾、《奇怪的搭檔》嘅池昌旭及南志鉉、《當你沉睡時》嘅秀智及李鍾碩、古裝版《我的野蠻女友》嘅周元及吳漣序、《再次重逢的世界》嘅呂珍九及李沇熹呢5齣劇集嘅男女主角較有火花，有望入圍爭「最佳螢幕情侶」。

另外，向來熱心公益嘅秀智，今日再被爆透過捐款組織「Honor Society」捐出1,500萬韓圜(約10.7萬港元)，以幫助弱勢社群增添生活必須品。

更多韓流，喺晒《娛果》
http://fb.com/appledailyent