因為太血腥喺內地攞唔到批文嘅《踏血尋梅》,估唔到噚日可以喺北京舉行嘅「2015年度華語十佳影片暨第七屆中國電影金掃帚獎頒獎禮」入面,獲選為華語十佳影片之一,男女主角郭富城同春夏憑《踏》片奪得年度男演員同年度新演員獎。親自去北京領獎嘅城城話:「任何獎項對我來說都是鼓舞,今次大會分別在中港台不同的影片作評選,而《踏血尋梅》未在內地上映,但大家給予十分高度評價,對劇組是十分鼓舞。」
王小帥憑《闖入者》奪得年度導演,年度男女配角分別係《解救吾先生》嘅王千源同《師父》嘅蔣雯麗。而獲選為十佳影片仲有《山河故人》、《一個勺子》、《醉生夢死》、《刺客聶隱娘》《我是路人甲》、《師父》、《百日告別》、《家在水草豐茂的地方》同《闖入者》。