日本papico啜啜冰棒最近搵嚟全新廣告代言人，近日於官方網站率先公開宣傳硬照及一條僅12秒嘅CM預告，螢幕上寫住「呢個美女其實係...」廣告商對相中嘅靚女大賣關子，仲話要到9月17日公佈美女嘅真正身份，當日仲會現身神戶Collection天橋行騷。

消息出街後，唔少網民已估到呢位美女嘅真身就係上位男星千葉雄大。走可愛男生路線嘅千葉雄大，由於天生童顏，所以27歲仍靠賣萌上位，先後演出人氣劇《今天不上班》及《你家是我的事!》，都以配角身份成功搶戲，今次反串女裝拍廣告，廣大網民都讚佢真係靚過好多女仔。