張繼聰、唐詩詠(Natalie)、莊思敏、阮兆祥及已出家為僧嘅前藝人林偉亮等今日喺沙田體育學院參加「毅力12愛心跑」活動，阿聰帶埋囝囝張瞻出席，老婆謝安琪就留喺屋企湊囡囡，因為阿聰腳傷，張瞻代爸爸跑接力賽，阿聰話：「之前踢波扭親腳趾尾，骨裂咗，唔使打石膏，等佢自然癒合，我周身好多骨都裂過。趁住2017年最後一日，帶囝囝做啲有意義活動，又可以家庭樂。」阿聰仲阿仔鍾意踢波，依家係五人足球嘅香港代表，踢波仲畀阿仔恰返轉頭。

雖然有份演嘅《誇世代》仲播緊，實際已經被大台封殺嘅阿呀聰，被問到台慶頒獎禮係咪冇提名？佢話：「冇，點會有？我咁嘅身世，好可惜。」講到同大台嘅關係，阿聰直認同高層關係仲係好好，佢話：「呢個唔係私人事件，我公司同TVB有官司，唔方便評論，不過自己2018年嘅工作已經排咗，重點放喺電影。」問到佢想唔想拍劇？阿聰就話：「大家睇埋呢兩個禮拜，都好開心咁多人鍾意《誇世代》，同時都有少少唔捨得，一個章節完結，係新嘅開始，冇嘢係肯定嘅，唔知幾時平息，相信再有機會合作。」

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP