樂視體育香港（以下簡稱樂視）直播今輪英超賽事甩轆，更有傳體育台會在周四「熄機」終止服務。不少網民早在上周六「雙紅會」曼聯迎戰利物浦的大戰之前，在樂視facebook網頁上不斷留言鬧爆；日前更有網民在facebook開設「樂視英超苦主大聯盟」專頁，集合一眾未能收看樂視體育節目的「苦主」，留言討論。

截至周一晚上為止，該專頁有約三百多人加入讚好，主要是針對樂視未能進行英超比賽直播。專頁主旨是要追究英超未能直播，要求負責人交代情況以及賠償。有網民比較悲觀，留言表示「當跌咗錢」；又有網民希望樂視方面就未能直播雙紅會作出賠償。

部份「樂視英超苦主大聯盟」專頁留言：

「已經轉左NOW，咪檔（當）自己跌左（咗）錢囉，就算依家睇得翻，隨時又會冇得睇，到時仲冇癮啦」

「想問下樂視有冇咩賠償呢次睇唔到雙紅會？」

------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1