32歲嘅《東張西望》主持梁麗翹(Nicole)喺今年2月閃婚，與拍拖僅兩個月、做金融投資生意嘅圈外男友Nic喺美國拉埋天窗。(相關新聞﹕ http://bit.ly/2s2hD99 )

婚後Nicole同老公已經去咗夏威夷蜜月，近日佢哋又再出發去西班牙、巴黎同倫敦等地旅行，喺facebook貼咗好多靚靚旅行相，但老公繼續保持低調，冇出鏡。面對美麗景色，Nicole都唔吝嗇身材，穿上吊帶連身裙，大騷4吋事業線；又穿西瓜圖案泳衣top曬太陽，非常癢眼！

Nicole又放咗一條搞笑片，見佢素顏食杯麵，點知冇筷子，情急智生下，Nicole竟然用兩隻牙刷倒轉用嚟食麵。Nicole今日接受傳媒訪問，佢以短訊回覆話﹕「西班牙啲嘢都好好食，但日日西餐，都有啲掛住亞洲味道，行超市見到辛辣麵即刻買，但又等唔切酒店員工send攞叉，因為啲麵開始稔。」Nicole直言今次係蜜月假期，問到會否趁機造人？佢話﹕「會生，但冇壓力，順其自然啦。(點解老公唔出鏡？)佢做攝影組組長，哈哈。」