亞視藝員秦啟維今朝返咗亞視，講到出糧問題，佢表示仲有三日就一月尾，聽公司透露會盡快解決，不過就冇講明邊日出十二月份糧，秦啟維話：「因為依家收緊錢，例如之前義演嘅廣告費、轉播頻道費。」佢話當然希望農曆年前可以出糧，對員工嚟講係一份好好嘅禮物，始終員工堅守崗位好耐。

對於靜待「白武士」出現，秦啟維話：「都有一絲希望，0依家審批緊嘛。我都有信心，起碼有人投咗標，如果一份都冇，講咩都冇用，起碼有人用五十萬睇盤數，仲肯使錢喺亞視度，真係好難得。」佢指八月尾約滿亞視，問佢續約時會唔會有所考慮﹖佢話：「暫時未考慮，我要尊重合約精神，除非公司唔要我，我一定會撐，但我會搵後路。」