組合ERROR的四位成員梁業（肥仔）、何啟華（Dee）、郭嘉駿（193）和吳保錡，今日繼續到商台宣傳新歌《我們很帥》，他們稱正構思為新歌拍MV，他們表示：「不過暫時十劃未有一撇，我哋希望招募一班比堅尼少女，做我哋綠葉。雖然係着比堅尼，但我哋唔係睇人哋身材同睇樣，我哋睇人品。」

ERROR最近亦為公司拍攝新節目《ERROR自救TV》，以挽救他們演藝生涯為題目，節目中每人都要挑戰和學習一些新技能，其中肥仔就稱要學習跳舞和武打場面，阿Dee就要一腳踢執導MV，而保錡就要負責完成一首新歌的作曲填詞等，預計將在6月播放。

講到阿Dee有份演出的《美女郊遊遊》雖已播放完畢，觀眾反應不俗，他笑言：「你哋睇就開心，我其實係最早上山最遲落山嗰個。」不過他表示如果再有機會開拍新一輯仍樂意演出。