法國知名女星蘇菲瑪素（Sophie Marceau）雖然已經49歲，不過佢保養得好好，身材仲係好fit。蘇菲近日與法國知名大廚Cyril Lignac喺意大利卡布里島度假，佢哋一齊坐遊艇出海嘆世界。蘇菲同法國男星Christopher Lambert於前年分手後，一直未有固定男友，睇來佢同Cyril擦出火花，兩人喺船上不時親熱咀嘴，親密程度似足情侶。蘇菲穿上唔同款式嘅泳衣，展示佢嘅完美體態。唔怪得Cyril對蘇菲愛不釋手，向蘇菲索吻時又摸佢大髀，場面香艷。

一向愛無拘無束嘅蘇菲，將火辣指數升級，佢喺Cyril面前脫去比堅尼上裝，為自己塗防曬，搞到Cyril望到眼定定。之後蘇菲就索性半裸曬太陽，完全唔介意露兩點，對自己身材充滿信心。

蘇菲前年到西班牙伊維薩島度假，亦曾在泳池全裸暢泳。蘇菲被法國雜誌《Voici》刊登佢喺酒店泳池剝光豬游水嘅照片，她坦蕩蕩毫不怕醜，又大動作伸懶腰。