自稱「國際茜」的茜利妹,早前赴澳洲珀斯舉行兩場Talk Show《斜槓女皇》,其間不段以香港的Popo(警察)為話題,笑言要幫Popo衝出香港。她笑謂:「我覺得PPRB(警察公共關係科)應該畀番車馬費我囉!我sell得好落力㗎!」
茜利妹在Talk Show中,用英文名向觀眾說:「香港係一個位於東南亞嘅小島,曾經係一個英國殖民地,1997年回歸中國管治,今時今日搞成點?大家有眼睇啦吓,哈哈!」之後,她又向澳洲觀眾介紹:「香港由一個『民主城市』變成咗一個『軍警城市』只需短短三個月,三個月,九十日!我哋應該申請《健力士世界紀錄大全》囉!」
數到「香港Popo出位行為榜」,她說:「第一位係官方許可香港警察無差別襲擊!不論你係咩人種、年紀、性別、性向、社會地位⋯⋯總之你喺街,有Popo就有機會被無差別襲擊!嘩!幾公平呀!香港前所未有咁世界大同呀!各位觀眾,我驕傲地宣佈:「We no longer have HOMOphobia in Hong Kong, instead we have POPOphobia! 香港不再恐同(恐懼同志)!我哋恐警!」
為令當地觀眾更了解香港Popo,茜利妹更於台上展示「香港警察違反公權行為報告」的QR Code,讓大家素描QR Code後回家細閱。