美國組合The Black Eyed Peas前主音、女歌手Fergie近年忙咩？其實近年Fergie嘅工作真係寥寥可數，佢最大嘅成就可算係擁有一個幸福美滿嘅家庭，令41歲嘅Fergie幾乎完全放下歌唱事業，為影星老公祖舒杜咸米爾（Josh Duhamel）照顧3歲半嘅囝囝Axl Jack。

Fergie同祖舒喺09年1月結婚後一直恩愛，不時於社交網公開放閃，日前兩公婆就同埋乖仔一齊紀念結婚8周年，各自於Ig留言慶祝，稱得上係美國演藝界少有嘅模範夫妻。祖舒有份參演嘅大片《變形金剛：終極戰士》（Transformers：The Last Knight）於夏天上映，到時又要為電影瞓身宣傳。