「第二十五屆香港電影評論學會大獎頒獎禮」今天在香港電影資料館電影院舉行，黃秋生憑《淪落人》得到最佳男演員，秋生在台上指得到電影評論學會的獎很難得：「雖然我已經攞過兩次，嗰時我仲後生，到大咗先知原來好難拎。我屋企有一個放獎嘅架，有一日發現有兩個獎一邊放一個，成日諗如果中間有埋就好平衡，點知第二日就收到通知我有獎。」

秋生在台上談到劉德華讚他得獎的命中率很高，他說：「其實我係咁耐冇戲拍，所以命中率高，拍呢套戲我一毫子都冇收，華哥話想拍呢類戲，我相信佢唔收錢都可以嘅，你哋下次可以搵佢，以後搵華哥拍嗰啲戲就搵我啦！」

訪問時秋生先指剛才看到的電影片段，大讚《三夫》的曾美慧孜：「真係睇好佢，由佢嘅眼神可以睇到佢好有戲、有思想、有想法。(他指一指 Crisel Consunji)佢危險喇。」問到秋生自己也有提名金像獎，覺得有沒有機會？他說：「我冇諗咁多啦，有發哥喺度，學發哥話，都攞咗咁多獎，讓下畀人，不過發哥喺度，有邊個夠膽攞吖。」問到秋生如果真係得獎，又敢不敢？他說：「到時先算，可能我都唔喺香港，我要四周圍收租，我周圍都有樓。」

秋生又指電影評論學會很專業，因此得獎是很榮幸的事。至於劉德華指會找秋生拍戲，還願意出香港演員最高價給他，秋生說：「邊個嘅最高價先？對我嚟講最高價，人哋出二千，華哥出二千五百蚊一日，咁就叫最高價，不過華哥真係好好朋友，佢係圈中唯一一個可以整喊我嘅人，我記得新年嗰陣，有次我短訊問佢一啲劇團嘅嘢，佢即刻就覆我話：『每一日鬧鐘叫醒我，令我向前嘅係夢想，兄弟我哋一齊努力！』佢可以好快咁令人進入一個好感動嘅位置，我就唔同喇，我可以令人好快進入一個憤怒嘅位置。」

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018