香港寬頻固網電話服務近日積極「拉客」，以優惠價游說客戶轉用該公司服務，可是本報接獲多位用戶投訴，指香港寬頻提供的服務極不理想，經常停止服務，或在通話途中斷線，令他們不勝其煩，需等候該公司職員上門維修。
用戶莫女士不快地說：「用咗佢服務兩個月，竟然壞咗六次，又要等佢派人上門，真係好麻煩！」
「取消要收費唔公平」
馮先生以首月四十八元簽約一年使用服務，可是線路在兩個月內壞三次，而最近一次，更令他連續五日未能使用家中電話，而手提電話的通話時間亦用罄，極為不便；最令他不滿的是，他欲取消服務，香港寬頻竟要他繳付五百五十元安裝費用，「𠵱家唔係我唔想用，而係佢畀唔到服務我，取消要收錢實在唔公平！」
另外，用戶楊小姐安裝香港寬頻固網服務後，經常未能接駁馬會的投注電話，「嗰次我想買隻心水馬，電話打極唔通，好彩我搵到人幫我買，最後隻馬跑出，唔使見財化水！」又有用戶曾太及陳小姐同樣不滿該公司服務質素。
香港寬頻網絡有限公司回應本報查詢時表示，該公司自本年四月推出本地電話服務以來，有關技術部門一直密切監察系統運作，但個別因素包括系統軟件配合、線路接駁或電話機操作問題等，均可能對服務有所影響，故該公司已派出多名技術員於各區屋苑當值，為用戶即時檢查及維修，將影響減至最低。