夏天嚟啦!無綫早前，已經率先叫一班女藝人下水，攞晒頭彩，今日亞視終於都進行「下水禮」，宣傳「亞洲電視7月足球狂熱」時，安排筱靖、鄭伊娜、黃集鋒、林睿等進行水球大戰，筱靖慘被掉落水，佢話：「今個夏天我已經著左七次泳衣，嚟緊去台灣又要著，真係太多，要封胸喇！」

筱靖曾經波濤「胸」湧，今日威力大減，佢笑言：「女仔好多魔術，今次公司又冇服裝提供，我又驚打水球跌嘢出來就唔係幾好喇！」

在場嘅亞洲先生中以黃集鋒身型最好，佢話：「日日好似做苦力咁，唔喺屋企就係喺健身室。」男士出寫真成為今年大熱話題，黃集鋒話：「我都想出，如果公司幫我做梗係好，不過最好唔露pat，用個足球遮都得，你知喇！過左呢一兩年必係今日咁既狀態。」