「西式墳場好有美感，似花園，有雕像，唔係想像中咁恐怖，我亦都冇見過鬼。」30來歲的鄒頌華說。怎麼愛上墳場？「有次我喺香港仔等船去南丫島，無意中行入華人永遠墳場，一睇就不得了，發現黃克競、鄧肇堅……嗰啲學校名嘅人都喺晒度！」
訪問當天，她帶記者到跑馬地的香港墳場探秘。天有點陰，初春的冷風吹來，令人不禁打個寒噤，她卻賓至如歸，在迷宮一樣的墳場穿梭，邊走邊介紹不同墓碑之隱藏意思：
1.斷了的石柱：死於非命
2.小天使雕像：死者是孩子，多信奉天主教
3.船錨浮雕：從事船業或表達「希望」的意思
4.「丰」字雕像：東正教徒

斷了的石柱比比皆是，幾十年前香港時局動盪，人命如泥，其中革命家楊衢雲為了推翻滿清而魂斷中環，長眠於香港墳場。鄒頌華介紹他：「《十月圍城》張學友個角色。佢係孫中山前輩，在結志街被人暗殺而死。」因家人擔心有仇家來鞭屍，這墓本來無名無姓，到近年才立下墓誌銘。
看墓地也看到那人生前如何待人，如香港一代首富何東之妻麥秀英，貼身妹仔葬在自己前面，儼如一家人。鄒頌華說，有些古老西式墓碑頗有詩意，如寫着「Gone but not forgotten（離開但不被遺忘）」。
「印象最深刻是幾年前去過紐約Green-Wood，是我見過最有創意?墳場，乜嘢形狀?墓碑都有，有人起了座金字塔；有人跟寵物同葬；有個藝術家（William Holbrook Beard）墓前有熊人雕塑，原因是他畫了一幅著名畫作，描繪華爾街的熊在跳舞」。
她說，香港的墳場也獨一無二，「世界各地好少有咁多唔同宗教種族的人葬在一起。天主教墓碑，有較多聖人雕塑；回教墓碑則朝向麥加，只有字，冇雕像，因佢哋唔拜偶像」。
去年新加坡傳出著名墳場快要清拆，她即時前往以免無緣再見。「有啲墓碑100年都冇人理，我有時會買紮花去拜訪佢哋。」