當年今日
關於我們
【一周兩訪】梅禮魯營睇波好旺巴塞喎!
蘋果日報 2015/04/22 06:00
巴塞隆拿
梅禮
英國網球「1哥」梅禮,原來都係足球迷,喺巴塞隆拿備戰緊泥地賽事嘅佢,星期二就暫時放低球拍,同退咗休嘅英國網球手亨捷斯一齊去咗魯營球場,欣賞巴塞主場對巴黎聖日耳門嘅歐聯8強次回合比賽,見證住巴塞贏波晉級嘅梅禮,仲將一張球場相po咗去個人instagram,留言話球場令人印象深刻,而球隊亦相當唔錯。其實今次已經係梅禮一星期內第二次入魯營球場睇波,之前佢睇咗巴塞以2:0擊敗華倫西亞嘅西甲聯賽,今場巴塞又係贏PSG2:0,睇嚟梅禮腳頭都相當唔錯。