【DaDa退出幕前】息影兩日即為彭導新戲復工錢國偉㷫爆：私心的政治決定
蘋果日報 2013/08/11 06:00
錢國偉陳靜
錢國偉今日再喺微博鬧爆DaDa。- DaDa演出《喜愛夜蒲》時甚受歡迎。
- DaDa為彭浩翔新戲復工，此舉辣㷫錢國偉。（資料圖片）
陳靜（DaDa）日前喺微博宣佈因為情緒病而退出幕前，跟住仲失場經理人施念慈為佢接嘅工作，不過DaDa息影僅兩日，就被發現蒙面及戴口罩為彭浩翔執導嘅新戲《曼珠莎華》復工補戲，報答知遇之恩。但DaDa此舉除咗辣㷫施念慈外，仲辣埋《喜愛夜蒲3》導演錢國偉（Wilson），其實DaDa宣佈退出嘅前一日，佢先出席《夜蒲3》開鏡拜神儀式。
Wilson噚晚亦話之前見DaDa都冇異樣，仲一齊研究角色同劇本，點知轉頭就話退出幕前，但同時又被發現為彭導演補戲，難怪Wilson㷫爆，佢今日再喺微博直斥DaDa： 「大家要眼睛明亮點，現在是DaDa選擇逃避，她從沒將問題說出一起解決，而且她已出現開工做其他工作，証明不是身體不能開工，而是利用大家的同情心，作出私心的政治決定！」
Wilson噚晚亦話之前見DaDa都冇異樣，仲一齊研究角色同劇本，點知轉頭就話退出幕前，但同時又被發現為彭導演補戲，難怪Wilson㷫爆，佢今日再喺微博直斥DaDa： 「大家要眼睛明亮點，現在是DaDa選擇逃避，她從沒將問題說出一起解決，而且她已出現開工做其他工作，証明不是身體不能開工，而是利用大家的同情心，作出私心的政治決定！」