現年26歲嘅韓國女團AOA嘅智珉，日前來港出席前晚於中環Volar舉行嘅「MIX AND THE CITY」，不過有網民就指智珉變臉，疑似整容。

有網民對比智珉日前現身機場及以往嘅舊照，指智珉疑似打咗蘋果肌及唇，對眼亦唔同咗，因而傳佢整容。唔少粉絲更去智珉嘅Instagram留言，叫佢唔好再整，又話覺得以前嘅佢可愛啲。不過亦有網民認為整唔整容係智珉嘅自由，佢開心就得。

另外，智珉前晚穿上露肩衫及短褲現身Volar，除咗熱情地跟粉絲打招呼外，又跟同場嘅嘉賓興奮跳舞，心情好好。完成活動後，智珉於Instagram公開出席「MIX AND THE CITY」時跟DJ DOC及Jessi嘅合照。