【《延禧》慶中秋】富察皇后定嫻妃? 陳豪掛住同佘詩曼敍舊
秦嵐延禧攻略富察皇后將軍澳佘詩曼陳豪
對於鍾意睇電視嘅人嚟講,今個中秋節都好值得慶祝,因為嘅《延禧攻略》「富察皇后」秦嵐、「魏瓔珞」吳謹言、「富察傅恆」許凱同「爾晴」蘇青先後抵港,作客嚟到「嫻妃」佘詩曼嘅主場出席活動。
幾位大陸演員中午去到將軍澳,同視帝黎耀祥和陳豪一齊錄節目,「富察皇后」秦嵐受歡迎,但吸引唔到陳豪,佢話見到佘詩曼呢位舊拍檔好開心:「本來早排有部電視劇會同佢合作,但延遲咗,希望快啲可以同佢再合作。」陳豪呢排拍緊《殺手》要應付好多動作戲,佢自嘲年紀大咗受咗唔少傷,令老婆陳茵媺好心疼,仲話要幫佢按摩,不過陳豪就話唔使,瞓多啲就得。
而黎耀祥就話最近拍《殺手》好忙,唔夠時間追晒咁多集,反而老婆就好鍾意睇《延禧》,佢又話為咗應付動作戲,總會有啲傷,但佢都好有堅持:「基本上,可以打嘅都打。」
精選娛聞,喺晒《娛果》
http://fb.com/appledailyent