【疫市擴張】陳偉成斥6百萬再開兩間健身室:已簽租約縮唔到
陳偉成健身室疫巿
兩分店成本預計要斥資至少600萬,將如期9月開張。
武漢肺炎突襲下,嚴重打擊經濟,政府的加辣限聚令,美容事業和健身室都要暫停營業,百業蕭條,吳啟明上環食肆提早半個月結業,崔建邦母親的車仔麵店也預告月底執笠,不過陳偉成(Avis)的健身店卻疫巿開分店,因為他與股東去年已計劃今年要開多兩間健身室,並一早跟業主簽下租約,無路可退下,兩分店成本預計要斥資至少600萬,將如期9月開張。
旺角和銅鑼灣兩間新分店近日開始收舖裝修,Avis昨日走勻港九視察裝修情況,他今日接受《蘋果》訪問時說:「我哋都睇到疫情好反覆,但一早簽下租約,冇得取消,兩店呢幾日開始裝修,新店會如期9月照開,希望快啲疫情緩和。」
早已在旺角、尖沙嘴和銅鑼灣擁有3間健身室的Avis,3月時政府因疫情曾勒令健身室要關閉,停業約一個月,Avis都咬實牙關撐着,當5月疫情稍定時,一度解禁,健身室得以重開,客人避疫後增磅,馬上又去報名做GYM,Avis說:「5月重開時,生意係慢慢返番嚟,嗰時我哋對9月開兩間多咗信心,估唔到呢個月又要停業,而家疫情仲未控制到。」Avis表示有跟新店的業主商議:「業主聽到疫情問題,政府又唔畀我哋其他店做生意,其中一間新店嘅業主主動話多畀半個月免租期,另一間業主唔肯,雖然有擔心,都縮唔到。」Avis的囝囝早前出世,家中開支大增,他表示疫情定下就要努力追數賺奶粉錢。
-----------------------------