黃又南今日喺沙田出席「視網膜影象篩查華人阿茲海默症研究」講座，黃爸爸黃文澡亦是阿茲海默症（俗稱「老人認知障礙症」）患者，早前曾失蹤近6日（新聞連結： http://bit.ly/2wKi8Ea ），幸好最後已搵返平安無事，只係瘦咗啲，呢次研究，黃爸爸亦有參與。

黃又南說：「好感恩，感謝傳媒好正面去報道，嗰幾日自己晚晚都通宵搵（爸爸），好多機構亦喺facebook聯絡我，為我哋提供好多支援，我已經逐個機構打咗電話去聯絡。」

黃又南坦言爸爸失蹤期間，自己心情未能平復：「爸爸係我動力，佢好硬淨，我知佢有呢個病，初初唔知點同佢溝通、相處，好彩佢身體好健康，無行動不便嘅問題。今次參與研究，好多朋友話做白老鼠，但我覺得唔研究就唔知下一步要點做，自己都買咗隻定位錶畀爸爸，同埋試緊啲補充劑，成效唔錯。」