如果買家想增強部車嘅行車循迹性,你大可為新車選配一套SportsSuspensionPlus嘅跑車懸掛系統,佢不但有更佳吸震效能外,又可以將車高下調10mm,響四輪19吋高性能輪胎組合輔助下,行車自然更穩定。
限量999部
除強化性能外,廠方亦為選擇全新RS6plus嘅用家,如圖中一部Avant旅行車版一樣,提供更多車身顏色選擇,同時重裝有新款19吋跑車合金胎軨,從而令造型望落更具吸引力,當然車廂內部亦會裝有多項特別配備啦!廠方又表明,佢哋唔會製造超過999部RS6plus,睇嚟當佢喺四月底推出時,又會掀起一輪搶購潮都唔定。