【第二春】卡卡再婚娶24歲嫩妻 叠埋心水做「湊仔公」
蘋果日報 2019/12/02 17:15
巴西卡卡AC米蘭
卡卡與24歲女友上星期拉埋天窗
前巴西國腳卡卡最近終於獲得「第二春」，上星期六喺巴西同細佢13年嘅模特兒女友嘉露迪亞絲成婚，仲搵埋佢嘅老友兼前巴西隊隊友巴迪斯達做伴郎。今次係卡卡第二段婚姻，佢喺2005年就曾經同佢嘅青梅竹馬女友卡露蓮娜結婚，不過兩個人離離合合，最後卡卡呢段童話式婚姻維持咗10年就失敗告終。
卡卡同前妻擁有一對11歲同8歲嘅仔女，佢哋之後將會由卡卡照顧，不過嘉露迪亞絲就話結婚之後想再同卡卡生多兩個小朋友，睇嚟呢位一代靚仔球星都有排忙喇。