「8號仔」林峯噚晚喺無綫頒獎禮連輸「最佳男主角」和「我最喜愛的電視男角色」，全晚坐冷板櫈慘食白果。最慘fans以為偶像贏硬，帶定香檳慶祝。

之後林峯去咗灣仔，參與「8號女」徐子珊嘅慶功。問失去視帝寶座有冇失落？林峯話：「其實冇失落，不過令身邊朋友失望。」雖然輸咗無綫視帝，但峯峯喺本報舉辦嘅「萬千星虧頒獎禮」封視帝——最佳男主角(最虧男主角係王征)，林峯無奈笑謂：「多謝，自己好鍾意Happysir(《雷霆掃毒》)呢個角色。」

對於輸俾祥仔，峯峯話：「自己平常心，祥仔（黎耀祥）係我尊重嘅前輩，遺憾未合作過。」