蘇保羅作風向來慢熱，九月份的七次賽事，總共出馬只有19次，結果憑「勇冠王」今季開齋。

踏入十月份，此廐出馬變得踴躍，近四次賽事出馬已有18匹，本周日（16日）賽事派遣六駒上陣，當中包括一對同主馬「友瑩養」及「友瑩勢」，前駒轉廐初出而強配潘頓，有留意價值。

第三場四班1400米，「友瑩養」在港已經服役三季，跑22場而只贏過一次，歷季所獲的獎金總額，連養馬費亦未夠，成績未算理想，幕後遂決定拉倉，暑期加盟蘇保羅馬房，轉換新環境及訓練模式，以尋求突破表現，動機相當積極。

此駒過往出賽通常擺前放頭跑，但經常在最後幾十米被對手超越，末段貫注力一般，成績易位難贏。轉廐後試過兩次泥閘，刻意改用留前鬥後策略，末段竟然能夠交出強勁衝刺，走勢令人眼前一亮，不看馬名的話，或許會誤當三班馬「友瑩勢」呢！

上季「友瑩養」首戰跑同程贏馬，當日配黃皓楠減十磅，贏「駕悅」一又四分一馬位，現時評分比贏馬時低七分，磅分仲有着數。何況，此駒近期試閘有明顯進步，留住跑的威力有所提升，即使這匹自購馬已六歲，亦有條件變身大幅反彈上番第三班。

「友瑩養」休後復出表現特佳，今場報跑贏馬路程，強配嫡系殺手潘頓，只孭124磅死鉛少，備戰工夫做到足，擺明車馬轉廐初出即拼。