傳足大半年會炒魷嘅領隊堅恩（本報前譯：卻恩），降班後仍帶領布力般，馳騁英冠大長途賽，但老闆應不容許佢嘆慢板，今迎侯城，博這支東北軍開出降班後首捷，1.8倍主W可試。

英冠「功課」未夠，惜今屆暫無電視直播（現在台sales仲打嚟氹我續約，谷氣！）。降班後嘅布力般，不少麻煩友他投，今屆掛雙箭頭暫時係紐奴高美斯同卡森李察士，浸慣鹹水，喺英冠應該起到作用；中場請來老梅菲助陣，配忠臣摩頓柏達臣同鄧尼仍在陣，若將帥一心仍會是爭回升要角。
可惜堅恩季前數天收到印度班主嘅顧問警告，若然降班後頭3場全敗即炒；又嘲摩頓柏達臣喺度獻世等攞養老金，惹來公憤，要梅菲代表球員發聲明撐領隊。

幸上周六揭幕戰作客葉士域治，布軍爭氣，大部份時間領先下，被逼和完場，表現不差；今次返主場，對手係季尾踢走老臣班比換來鐵漢布魯士掌帥嘅侯城，班波執緊；兩軍戰力相近，信主隊求勝心切，直取主客和W，抵賭過同晚得1.61倍[-1]嘅車仔。
（下次見報：25/08）
文：蘋果波神