莫雷拉上季在大賽不時揀錯馬，而他的棄騎馬卻連番捧走一級賽冠軍，例如他在精英碗（1200米二級賽）揀騎「澳斯卡」放棄「紅衣醒神」，結果後駒當時在羅理雅胯下，接連攻下分級賽。

上季他在打吡大賽揀騎「當家精選」，結果自己騎開的「平海福星」改配莫雅後上一攻而破。

他上季還有在女皇盃重策「平海福星」上陣，卒之又被自己棄騎的「巴基之星」遠遠拋離而敗，可謂連番受挫。

不過最起碼雷神有多匹好馬任佢選擇，有揀馬主動權，揀啱揀錯與人無尤。現時雷神未歸位，潘頓就做咗近年雷神的角色。

周日（25日）沙田重頭戲第七場一班1600米其士盃，潘頓揀騎「跳出香港」而放棄「精明才子」，兩匹馬上季都在潘頓胯下扶搖直上贏至頂班，他對牠們都有相當了解。

潘頓揀馬眼光從來不遜雷神，「跳出香港」是否就是本屆其士盃真命天子，好快會有答案。