記：《蘋果》記者吳文輝
賴：前騎師賴維銘

記：今日（1日）沙田賽事出現騎師荒，只得17位騎師參戰，難怪有練馬師叫苦連天，想搵心儀配搭十分困難。

賴：過往都有出現過類似情況，當然只要馬匹有實力，哪怕沒有騎師想騎？

好似今日第五場「開懷大少」，上場跑第二回復水準，薛恩得此實力座騎又點會放手。

「開懷大少」浮沉於三、四班，星味唔算濃，卻肯定是實而不華，上季三捷表現出色，評分高企遇上阻力，自然需要調整。

今季首四戰成績欠佳，上仗終於減分至第四班，遇上信心十足的莫雷拉座騎「精彩有你」無計可施。

不過，「開懷大少」當時能夠在一度受阻下追入第二，實力居第四班始終屬班頂馬。

拼後操練完整，狀態有作戰水準，發揮正常可望勝回一仗。

記：韋達最後三場擺出強陣，有力包辦三寶，你覺得會否有攔路虎？

賴：其實尾場形勢好平均，唔少馬都具爭勝機會，不妨留意蘇廐「健快聯盟」。

此駒上季三捷潛力甚高，今季初勝出一仗後，試過14檔負133磅僅不敵「友誼至好」。

我認為牠雖然其後於第二班未能勝出，尤其剛戰輸得較遠，以其實力當有攻破二班賽的一日。

「健快聯盟」上仗之後重新做工夫，試閘按實仍好肯追，有相當唔錯狀態，今場排內檔（1檔）有助發揮。

蘇廐半冷馬醒神，此駒不容輕視。

-------------------
邊個騎師拉馬不成搞到要釘牌兼賣樓填數咁慘豬!?
【馬上看經典】余伯樂即刻同你案件重溫
-------------------
【武漢肺炎】各地唔係閉門就延期跑馬！
亞洲賽馬飽受疫情衝擊
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩