當年今日
關於我們
奧菜惠夾硬話撞鬼
蘋果日報 2003/01/27 00:00
由女星奧菜惠主演的恐怖片《咒怨》,前日正式在日本上映,奧菜惠聯同有份演出的女星如市川由衣等,齊到新宿一戲院宣傳,她說:「我拍呢套片期間,曾經喺屋企見到一個細路仔同婆婆嘅鬼魂,希望大家可以喺呢套片入面,感受到恐怖嘅世界。」
而已答允主演《咒怨2》的酒井法子,前日亦有到場向奧菜惠獻花,她說:「第二集都會好恐怖,包保令大家好似入咗鬼屋咁!」電影公司並透露《咒怨》已被荷李活電影公司購下版權,稍後將重拍成西片。