作為一個無記性嘅人，最討厭就係中、西史兩科，個腦又實，寫字又慢，恐懼咗好多年，順帶連個老師都憎埋。全世人得「三國」嗰part攞高分，純粹係因為打機所以熟。

你話寓學習於娛樂幾緊要呢！我仲特別鍾意用孫小妹（孫尚香），女將中算係幾好打，有血有防都幫到手。適逢今期又畀我搵到「三強鼎立」局面，咁關小妹嘅招數就係買鐵角Q啦！

聽日（2日）第五場「嫡愛摯寶」又遊番落嚟上名率勁高嘅四班1400米啦！有檔又夠fit，希望破數據啦！「猴王駒」上場外疊勁追入Q，轉潘頓接手，趁銳谷多課先再出，中檔唔點蝕可以博補中。「天意」打疊入Q都有分頭，工夫做齊晒，檔位內移仲要黏地得，天氣不穩唔飛得。

無記性導致到唔記仇都不失為一個優點，我無嬲，只希望「嫡愛摯寶」、「猴王駒」及「天意」陣上發揮出水準。同我嘅歷史科老師一樣，唔再教我就無仇口，仲friend到添！

---------------------------
【六四30】守住歷史 拒絕遺忘
https://hk.adai.ly/zdzKtt2RiW