早前筆者話大升前必先有恐慌，昨日大市裂口下跌，算是出現了一個小恐慌，若然之後連升兩日，士佳會暫時假設大市見底，不過也不能期望立刻回升，始終年尾年頭成交都較為淡靜，筆者看大市會再悶一悶大家，因為大戶震倉，除可令股價大跌製造恐慌外，還可以橫行令缺乏耐性的投資者自行離場換馬，自己就趁機逐點收集。但若然期指跌穿昨日底部（22310），尤其出了一支長下影線的情況下，向下試250日線也不足為奇，到時自己會繼續先前分注吸納的策略。
本欄曾提及內地有可能在加息的同時，會順手打壓地下錢莊，影響莊家活動，昨日見到有部份先前炒得火熱的莊家股出現回吐，大家可能話昨日不少升勢亮麗的個股都是疑似莊家股，影響似乎唔係咁大。士佳唔知上大人心意，都係估估吓，不過無論投資或投機都講求值博率，寧願保留子彈趁平買好股。
2011年就到，基金換馬行動應開始成形，大家也應好好審視自己的組合，尤其是如持有今年熱炒板塊中的個股，便要多加留神，因為下一年好大機會時不它予，若見後市升佢唔升，就該慎重考慮撤出換馬。
張士佳
寶來證券（香港）董事 投資服務部
mailto:
[email protected]