皇家馬德里球星基斯坦奴朗拿度惹官非？2016年曾獲巴西美臀小姐冠軍嘅Erika Canela，向英國《太陽報》聲稱自己曾經同C朗暗交兩個月，但最後因關係破裂，收到呢位世界足球先生嘅電話訊息性騷擾同侮辱，家陣正透過律師準備起訴對方。

現年26歲嘅Erika，聲稱同C朗有過一段情，話對方最初係透過互聯網認識佢，之後暗中聯絡佢。雖然佢一開始都唔信C朗會鍾意佢呢type，但傾落又幾啱key，而且呢位葡萄牙球星仲邀請佢過去馬德里或里斯本同佢瞓一晚。雖然Erika冇透露兩人最後有冇一夜情，但就話自從佢發現C朗原來有個正印女朋友仲想偷食後，就同對方交惡，而C朗仲喺電話度send訊息，鬧佢係潑婦，仲威脅會摧毀佢生活，令佢睇完後好不安。

Erika向《太陽報》爆料後話：「我睇完後食唔到又瞓唔到，亦唔想出街。」佢律師家陣就收集緊證據，準備告C朗因為人身攻擊同性騷擾，而對佢當事人造成精神上損失，希望獲得賠償。對於呢個指控，C朗方面未見有回應。

Erika其實名堂唔細，因為佢係史上第一位贏得巴西美臀小姐嘅黑人，仲要同特朗普當選美國總統係同一日，即係2016年11月8日，當選後仲紋咗特朗普個樣喺佢背上，當作慶祝自己當選。不過，佢之後星途一般，多喺夜場跳舞番工，但當然個價錢都唔平，而有次獲葡萄牙嗰邊嘅Playboy雜誌邀請影封面，全裸上陣，唔知係咪因為咁而令C朗留意到呢？

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1