念及與亡母廖施翠娥昔日生活片段,從外地來港奔喪的二十八歲長女阿兒嗚咽地說:「媽咪成日同我講,想做多幾年就退休嚟探我哋,佢好錫兩歲嘅孫仔,次次同佢傾完長途電話都會好開心,真係唔明白點解好人會咁早死,我哋根本接受唔到呢件事,𠵱家阿爸情緒都好激動,有時重話要跟阿媽一齊去,所以我哋要輪流睇住佢。」
慈母克勤克儉
死者廖施翠娥在紗廠任職工人二十多年,其夫則在水務署從事雜務工人,夫婦結婚三十年,育有四名兒女。三年前,長女阿兒成家立室後已移居外國,二十六歲的長子阿銘及次子阿成均從事冷氣維修技工,每月收入不穩;受經濟不景影響,自今年初便失業至今,家庭的開支便由父母共同分擔,經濟緊絀。
縱然夫婦生活困苦,兩年前,他們仍耗盡僅有的積蓄來供十六歲的幼子前往外國升學,盼他能學成歸來。長子阿銘慨歎地表示,為支付幼弟的學費及生活費用,父母把每月賺取的大部份收入寄給他,餘下來的數千元便用來繳付家庭的雜費及膳食開支,一家人節衣縮食過活。
阿銘續稱:「為咗我哋幾個生活好啲,媽咪經常開夜班賺錢,𠵱家經濟唔好,佢好驚俾公司裁員;所以,阿媽平日真係好慳,見到冷氣巴士都唔捨得坐,每餐嘅餸菜會分三、四餐慢慢食,試過啲餸菜放喺雪櫃幾日,已經變壞晒同埋冇營養,佢都照煮嚟自己食。」
在子女心目中,父母是一對十分恩愛的模範夫婦,經常形影不離,每逢假日會結伴前往逛街或購買餸菜。剎那間,痛失枕邊人打擊,其父終日以淚洗臉之外,還自責未能讓妻子在生前享福便去世,感到愧對愛妻。